Nakapagtala ng record high na satisfaction rating ang Pangulong Rodrigo Duterte sa survey ng Social Weather Stations o SWS.
Mula sa dating plus 58 noong September 2017, umakyat sa plus 70 o excellent ang net satisfaction rating ng Pangulo sa survey na isinagawa mula December 8 hanggang 16.
Nalampasan nito ang plus 66 percent net satisfaction rating ni dating Pangulong Noynoy Aquino na naitala noong June 2013.
Ang labing dalawang (12) puntos na naidagdag sa satisfaction rating ng Pangulo ay nagmula sa record high rating na nakuha nito sa Mindanao, Metro Manila at Luzon samantalang halos hindi naman natinag ang rating ng Pangulo sa Visayas.
—-
