Patay ang isang radio anchor na nagsisilbi ring bodyguard ng isang local politician sa M’lang, Cotabato matapos pagbabarilin ng mga hindi nakilalang suspek.
Kinilala ni Police Supt. John Meredell Calinga ang biktima na si Marlon Muyco na host ng programang Abyan sa Kalambuan sa Banwa Ssang M’lang sa DXND Radyo Bida sa Kidapawan City at bodyguard ni M’lang Mayor Russel Abonado.
Tinamaan naman ng putok ang anak na babae ni Muyco at maayos na ang kalagayan nito sa isang ospital sa M’lang.
Ayon kay Calinga, ang mag-amang Muyco ay sakay ng isang motorsiklo pauwi sa kanilang bahay sa Barangay La Suerte nang pagbabarilin ng mga suspek na kaagad ikinasawi ng radio anchor.
Tinutugis na ng mga awtoridad ang mga suspek sa pagpatay kasabay ang imbestigasyon sa motibo rito.
By Judith Larino
