Ibinida ni House Speaker Alan Peter Cayetano ang mala-resort na quarantine facility sa kaniyang teritoryo —ang Taguig City.
Ang Taguig Lakeshore Quarantine Facility na matatagpuan sa Barangay Lower Bicutan ay inilaan para sa mga pasyenteng mayroong mild symptoms ng coronavirus disease 2019 (COVID-19) na hindi na kailangang dalhin sa ospital.
Sa ibinahaging mga larawan ni Cayetano sa Facebook, makikita ang kumpletong gamit at medical personnel ng nasabing pasilidad.
Mayroon ding robonurse na aalalay sa mga pasyente.
Mahigit 5,000 ang naitalang kaso ng COVID-19 sa Taguig City subalit mahigit 400 na lamang ang active cases at mahigit 40 na ang nasawi rito.
