Kinumpirma na ng mga organizer ng Pyeongchang Winter Olympics na na-hack ang kanilang computer system sa opening ceremony noong Biyernes.
Ayon kay Mark Adams, International Olympic Committee Spokesman, nadamay sa cyber attack ang games’ systems kabilang na ang internet at television services.
Pero wala naman anya itong nakompromisong anumang kritikal na bahagi ng kanilang operasyon.
Hindi rin anya nila alam kung sino ang may kagagawan ng cyber attack.
Agad namang naghugas kamay ang Russia, na pinagbawalang makasali sa Winter Olympics at iginiit na hindi sila ang may kagagawan ng cyber attack.
Posted by: Robert Eugenio
