Patay ang hindi bababa sa 14 na mga hinihinalang miyembro ng New People’s Army o NPA sa engkwentro sa mga pulis sa Barangay Aga at Barangay Kaylaway sa Nasugbu, Batangas.
Batay sa ulat, nagtungo sa Sitio Pinamatasan, Barangay Aga ang mga pulis matapos makatanggap ng impormasyon kaugnay ng grupo ng mga armadong lalaki na sakay ng isang jeep at closed van.
Nagsimula ang engkwentro nang bigla na lamang pagbabarilin ng naturang grupo ang mga rumespondeng mga pulis.
Samantala, dalawang pulis naman ang nasugatan sa engkwentro at agad na isinugod sa ospital.
Nagpapatuloy naman ang pursuit operation ng mga pulis sa iba pang mga miyembro ng rebeldeng grupo.
—-
