Napapanahon na upang silipin ng Department of Environment and Natural Resources o DENR ang mga paglabag ng iba’t ibang business establishments sa Puerto Galera.
Reaksyon ito ni Governor Alfonso Umali ng Oriental Mindoro sa ulat na isusunod na ng pamahalaan sa Boracay ang Puerto Galera.
Ayon kay Umali, sampung (10) taon nang pinag-uusapan ang kawalan ng tamang sewerage system ng Puerto Galera.
Sinabi ni Umali na sa pagkakaalam niya ay mayroon itong isandaang (100) milyong pisong pondo noong nakaraang administrasyon subalit hindi niya alam kung anong nangyari sa proyekto.
Sa kasalukuyan aniya ay humihingi na ng pondo si Puerto Galera Mayor Rockey ilagay para sa kaparehong proyekto.
“Palagay ko kung kinakailangang i-close ‘yan eh okay lang yun kasi ang sabi ko nga eh hindi naman para pasamain ito kundi para mapabuti, mas maganda na maayos talaga ang sewerage system sa Puerto Galera.” Pahayag ni Umali
(Ratsada Balita Interview)
