Nasagip ng mga tauhan ng Philippine Coast Guard (PCG) ang dalawang mangingisda na sakay ng isang bangka na bahagyang lumubog sa karagatang sakop ng Naic, Cavite.
Batay sa ulat ng PCG, ang dalawang mangingisda ay nakilalang sina George Gapate at Rodolfo Tulibas na kapwa taga Bagong Pook, Cavite City.
Ang dalawang mangingisda ay sakay ng M/BCA Mommy Yolls nang makaranas ng malalaking alon habang patungo sa labac na nagresulta sa pagkasira sa katawang bahagi ng kanilang bangka.
Dahil dito, agad na rumesponde ang mga tauhan ng pcg substation Tanza.
Sa ngayon ay nasa maayos nang kondisyon ang dalawang mangingisda.- sa ulat ni Aya Yupangco (Patrol 5)
