Ibinunyag ni Pangulong Rodrigo Duterte na nagsinungaling si dating Labor Undersecretary Dominador Say.
Ito’y makaraang palabasin umano ni Say na siya’y nagbitiw sa puwesto makaraang ipahiwatig ng Pangulo na may sisibakin siya sa puwesto dahil sa katiwalian.
Sa kaniyang pagdating sa bansa, sinabi ng Pangulo na ginamit umano ni Say ang isyu ng endo na siyang dahilan ng pagbibitiw nito.
Kasunod nito, muling hinimok ng Pangulo ang publiko na huwag mag-atubiling isumbong sa itinalaga niyang Hotline 8888 para sa mga tiwaling opisyal at kawani ng pamahalaan.
“Kapag merng 8888, that’s the hotline, sabihin mo lang ‘yung taong inirereklamo mo, itong si Juan Dela Cruz, pabalik-balik ako sa opisina kukuha ng permit o clearance at pabalik-balik na lang ako at hanggang ngayon ay wala pa, kaya ‘yan ang nangyari sa Labor undersecretary at pinalabas niya na nag-resign siya, kasi ako naman ayokong hiyain ‘yung tao.” Pahayag ng Pangulong Duterte
—-