Binalaan ng Department of Agriculture (DA) ang publiko sa pagbili ng puslit na gulay mula China.
Inihayag ni DA Assistant Secretary Federico Laciste na may peligrong hatid sa kalusugan ang mga puslit na gulay dahil sa kawalan ng import at sanitary permits.
Ito’y matapos makasabat ang kagawaran ng 4.7 million pesos na halaga ng smuggled vegetable sa isang warehouse sa Barangay Catmon, Malabon City.
Natagpuaan ang pitong Makeshift Reefer Containerssa loob ng warehouse, na naglalaman ng puslit na carrots, broccoliat sibuyas mula sa China.
Ipinasara na ng mga opisyal ng Bureau of Customs ang naturang warehouse habang nasa kustodiya na ng PNP-CIDG ang nahuling walong indibidwal na kapwa caretakers ng gusali. —sa panulat ni Drew Nacino