Mahigpit na binabantayan ng Philippine National Police (PNP) ang PAGs o Private Armed Groups na naghahanda na rin umano sa 2016 Presidential elections.
Kasunod na rin ito nang pag-amin ni PNP- Anti Illegal Drugs Special Operations Task Force (AIDSOTF) Chief General Benjamin Lusad na may private armed groups sa ilang bahagi ng bansa kabilang ang lalawigan ng Abra.
Sinabi ni Lusad na dapat magkaroon ng political will ang pamunuan ng PNP para tuluyang malansag ang Private Armed Groups at iba pang threat groups na maaaring sumabotahe sa kapayapaan ng isang lugar tuwing may eleksyon.
By Judith Larino
