Pormal nang nilagdaan ni Pangulong Rodrigo Duterte ang Executive Order (EO) na magtatakda ng price cap sa mga RT-PCR testing maging sa mga test kits.
Alinsunod sa EO number 118, inaatasan nito ang health department na tiyakin ang accesibility at affordability ng mga PCR testing sa bansa.
Pinatutulong sa health department ang trade and industry para sa pagtatakda ng price range sa mga test kits na ginagamit sa mga ospital, laboratoryo at iba pang kahalintulad na health facilities.
Kaugnay nito, nakasaad sa naturang EO na pwedeng bawian ng lisensya at accreditation ang hindi susunod sa itatakdang price range.
Magugunitang lumutang sa publiko ang hinaing ng mga OFWs dahil sa taas ng presyo ng swab test makaraang pansamantalang itigil ng Philippine Red Cross (PRC) ang pagsasagawa nito ng COVID-19 testing dahil sa utang ng PhilHealth.