Binalaan ni Pangulong Rodrigo Duterte ang mga corrupt officials sa Bicol Region na ilalaglag sa dagat mula sa chopper kapag napatunayang nagsamantala sa pondo ng bayan at calamity fund.
Sa kanyang talumpati, sinabi ng Pangulo na siya mismo ang susundo sa opisyal gamit ang chopper at dadalhin sa Maynila saka ilalaglag.
Nagawa na aniya ito noon at hindi siya magdadalawang isip na gawin ulit ito sa mga tiwaling opisyal ng gobyerno.
Nilinaw ng Pangulo na ganoon lang talaga siyang magsalita, pero seryoso siya na labanan ang katiwalian, iligal na droga at kriminalidad sa bansa.
By: Meann Tanbio / Aileen Taliping
