Nananatili ang posibilidad na ibalik ng DOTR Department of Transportation ang dating maintenance provider ng MRT 3 na Sumitomo Corporation.
Ayon ito kay Transportation Assistant Secretary for Commuter Affairs Elvira Medina sa gitna na rin nang pag uusap nila hinggil sa kuwalipikasyon ng Sumitomo na maging maintenance provider muli ng MRT 3.
Sinabi ni Medina na pinag aaralan din nila ang iba pang option nila at target muna nilang makahanap ng pansamantalang maintenance provider.
Determinado naman aniya silang gumawa ng mga hakbang para maibalik ang maayos na operasyon ng MRT 3 para sa halos kalahating milyong pasahero rito araw araw.
