Binasbasan at binati ni Pope Francis ang bagong halal na Presidente ng Amerika na si Joe Biden nang makausap niya ito sa telepono.
Batay sa inilabas ng opisina ni Biden na usapan sa pagitan ng dalawang pinuno, nagpasalamat ito sa Santo Papa at kinilala ang pamumuno nito tungo sa kapayapaan, pagkakasundo at ang pagkakaisa ng buong mundo.
Nais ng bagong halal na US President ang makatrabaho ang Santo Papa batay sa iisa nitong paniniwala ukol sa dignidad, pagkakapantay-pantay , pagtulong sa mga mahihirap, climate change at ang pagtanggap sa mga dayuhan at mga refugees sa komunidad.
Matatandaang pangalawang Katolikong nahalal na Presidente ng Amerika si Biden kasunod ni John F. Kennedy noong 1960 base sa ulat ng Agence France Presse.—sa panulat ni Agustina Nolasco
