Si Deputy Chief for Administration Police Lt. General Guillermo Eleazar ang itinalagang Officer-In-Charge (OIC) ng Philippine National Police (PNP).
Ito’y matapos magpositibo sa COVID-19 si PNP Chief General Debold Sinas na ngayon ay nasa quarantine facility na.
Ayon kay Eleazar, kahit naka-isolate ang PNP Chief ay tuloy-tuloy aniya ang kanilang ugnayan para gabayan siya sa mga mahahalagang gampaning pansamantala niyang gagawin.
Kasabay nito, humiling si Eleazar sa publiko ng panalangin para sa agarang paggaling ni sinas.
Samantala, muling binigyang diin ng pamunuan ng PNP sa mga tauhan nito at sa publiko na mahigpit na sundin ang itinakdang safety protocols upang maiwasan ang COVID-19.
