Bahagya na namang tumaas ang naitatalang kumpirmadong kaso ng COVID-19 sa hanay ng Philippine National Police (PNP).
Batay sa datos, 73 ang nadagdag sa bilang ng mga kumpirmadong tinamaan ng COVID-19 sa PNP sa nakalipas na araw.
Ito ang dahilan kaya’t umakyat na sa 4,941 ang bilang ng confirmed cases.
Gayunman, mas tumaas pa ang naitalang bagong recoveries sa sakit na 111.
Kaya naman umakyat na ang total recoveries nito sa 3,507.
Habang nananatili naman sa 16 ang bilang ng mga nasawing pulis dulot ng virus.
