Sinabi ni Department of the Interior and Local Government (DILG) Secretary Jonvic Remulla na gumagamit na ng bagong estratehiya ang Philippine National Police (PNP) sa patuloy na pagtugis kay Senador Ronald “Bato” Dela Rosa, na nananatiling pinaghahanap ng mga awtoridad.
Ayon kay Sec. Remulla, aktibo pa rin ang pagtugis sa senador ngunit hindi maaaring isapubliko ang mga hakbang ng mga awtoridad upang hindi makumpromiso ang operasyon.
Dagdag pa niya na mas mahirap matunton si Dela Rosa dahil dati itong hepe ng PNP at kabisado ang karaniwang galaw at operasyon ng mga pulis.
Matatandaang umalis ang senador sa Senado noong madaling-araw ng Mayo 14, kasunod ng nakaambang pagpapatupad ng arrest warrant na inilabas ng International Criminal Court (ICC). Mula noon, hindi na siya muling nakita sa Senado o sa anumang pampublikong aktibidad.
