Inilagay na ng Philippine National Police sa full alert status ang buong bansa. Kasunod ito ng pagpapasabog sa isang night market sa davao city na ikinasawi ng 15 katao.
Dahil dito, inaatasan ang lahat ng regional directors na doblehin ang kanilang pagiging alerto.
Inatasan din ang mga provincial director at chief of police na paigtingin ang checkpoint at deployment sa vital installations.
Doblehin ang seguridad sa mga pantalan, paliparan, terminals, malls at mga pampublikong lugar.
Kaugnay nito, sinabi ni PNP chief director general Ronald Dela Rosa na nakikipag-ugnayan siya sa lahat ng subordinate commanders sa Davao at lahat ng impormasyon ay kanyang ipinararating kay Pangulong Rodrigo Duterte.
By Meann Tanbio / Jonathan Andal (Patrol 31)
