Ininspeksyon ni PNP o Philippine National Police Chief Director General Ronald “Bato” dela Rosa ang Araneta Center Bus Terminal sa Quezon City.
Pasado alas-9:00 kaninang umaga nang dumating si Dela Rosa kung saan sinalubong siya nina NCRPO o National Capital Region Police Office Director Oscar Albayalde at QCPD Director Chief Supt. Guillermo Eleazar.
Unang kinausap ni Dela Rosa ang mga guwardya sa Araneta Bus Terminal at binilinan sa mga dapat na bantayang mga bagahe.
Sinabihan niya ang mga nasabing guwardiya na tiyaking walang makalulusot na kahina-hinalang wirings.
Kasabay nito ay personal ding sinaksihan ni Dela Rosa ang isinagawang bomb explosion simulation drill sa nasabing bus terminal.
Pagkatapos ay sumakay si Dela Rosa sa MRT Line 3.
Aniya, ito ang unang pagkakataon na nakasakay siya ng MRT mula nang maitalaga siya bilang hepe ng Pambansang Pulisya.
Samantala, inaasahang iinspeksyunin din ng PNP Chief ang Ninoy Aquino International Airport at Manila Port Area.
By Meann Tanbio | with report from Jonathan Andal (Patrol 31)
