Nanindigan si PNP Chief Director General Ronald Dela Rosa na personal ang motibo sa magkasunod na pagsabog sa Quiapo, Maynila noong Sabado
Kasunod ito ng pagtanggi ni Atty. Nasser Abinal na siya ang target ng naturang pagpapasabog.
Si Abinal, ang pinaghihinalaan ng pulisya na target ng bomba dahil sa kanya nakapangalan ang package na sumabog na ikinasawi ng dalawa katao.
Kaugnay nito, sinabi ni Dela Rosa na dapat pag-isipan ni Abinal kung bakit sa kanya naka-address ang ipinadalang package.
Idinagdag pa ni Dela Rosa na bagamat personal na away ang motibong nakikita nila ngayon, mas maigi pa ring tapusin muna ang imbestigasyon bago tuluyang masabi ang ugat ng pagsabog.
By: Meann Tanbio / Jonathan Andal
