Nagkita sina Philippine National Police o PNP Chief Director General Ronald “Bato” Dela Rosa at US President Donald Trump sa kasagsagan ng ASEAN Summit.
Sa Facebook account ng PNP Chief, ibinahagi nito ang litarto nila ni Trump, kung saan hawak – hawak siya nito sa likod na animo’y nag – uusap habang nakatayo sa harap ng isang asul na tela at watawat ng Amerika.
Naka – Amerikana si Trump na may pulang neck tie habang nakasuot naman si General Bato ng PNP blue dock uniform.
Sa isang ambush interview, tumanggi si Bato na ibunyag ang napag – usapan nila ni Trump.
Aniya, “classified” ang lahat ng sinabi sa kanya ng Pangulo ng Amerika.
