Itinalaga ni Pangulong Rodrigo Duterte si Dr. Roy Ferrer bilang bagong acting President at Chief Executive Officer ng Philippine Health Insurance Corporation.
Ito’y makaraang sibakin naman ng Pangulo si Dra. Celestina Ma. Jude Dela Cerna sa harap na rin ng kontrobersyal na paggastos nito ng mahigit sa 600,000 piso para sa kanyang travel at lodging expenses para sa taong 2017.
Magugunitang mismong si Pangulong Duterte rin ang nagtalaga kay Ferrer bilang board member ng PhilHealth noong Pebrero ng isang taon bilang kinatawan ng employer’s sector.
Ayon sa Malacañang, ipinagbigay-alam na umano ng Pangulo sa gabinete nito ang pagsibak kay Dela Cerna sa kasagsagan ng pagbisita nito sa South Korea.
—-
