Lumagpas na sa P300-M ang halaga ng pinsala dulot ng epekto ng shear line sa ilang bahagi ng bansa.
Sa huling datos ng National Disaster Risk Reduction Management Council (NDRRMC), pumalo na sa kabuuang P41.7-M ang pinsala bunsod ng pagkakasira ng mahigit 3,000 kabahayan sa MIMAROPA region, Region 6, Region 8, Region 9, Region 10, Region 11, CARAGA, at Bangsamoro Autonomous Region of Muslim Mindanao.
Naitala naman ang pinakamalalang halaga ng pinsala sa sektor ng agrikultura na umabot sa P206.5-M ang halaga ng nasirang pananim at gamit pansaka, kung saan pinaka napuruhan ang Region 5 at 10.
Nasa P2-M naman ang pinsala sa irrigation facilities sa Region 5.
Samantala, nagkakahalagang P51.5-M naman ang halaga ng nasirang imprastraktura sa Region 10. —sa panulat ni Hannah Oledan
