Pinatawan ng limang (5) taong pagkakakulong ang isang Pilipino sa New Jersey, USA.
Ito ay matapos na mapatunayang sangkot ito sa 9 million dollars – bank fraud gamit ang mga nakaw na credit at debit card.
Kinilala ang Pinoy na si Angelo Virtucio, tatlumput isang (31) taong gulang na mula sa Quezon City.
Ayon sa mga otoridad, gumagamit si Virtucio ng mga skimming devices para makakuha ng mga sensitibong impormasyon mula sa mga ATM cards at inililipat ito sa mga bagong card.
Nakikisabwatan din ang nasabing pilipino sa isang “global network cashers” para magsagawa ng mga hindi otorisadong transaksyon sa mga ATM cards ng kanilang mga biktima.
By Krista De Dios
