Nasungkit ni Pinoy fighter Edward Kelly ang malupit na split decision victory laban kay Ahmed Faress ng Egypt sa kanilang bakbakan sa ONE: Full Blast sa Singapore Indoor Stadium.
Sa unang bahagi pa lamang ng laban ay ipinakita na ni Kelly ang mabangis niyang grappling skills at counterpunches.
Nabatid na sa ikalawang round ay nakatama si Kelly ng matinding sipa kay Faress na nagpatumba dito.
Nakaganti naman ang Egyptian at sinubukan siyang pasukuin si Kelly sa pamamagitan ng triangle choke pero nalusutan ito ng Pinoy.
Nagpakawala naman si Kelly ng leg kicks at body shots laban kay Faress kaya’t nangibabaw ito sa dulo ng naturang laban.
