Isang Filipino consular officer sa New York ang nakaranas ng Asian hate crime habang nakasakay ito sa tren papasok sa kaniyang trabaho.
Ayon sa ulat, nilapitan umano ng isang lalaki ang naturang Pinay at saka ito minura, ininsulto at hiniling pa na siya’y mamatay.
Idinulog na ng biktima ang insidente sa New York City Police Department upang isuplong ang ginawa sa kanya.
Samantala, mariin namang kinondena ng Philippine Consulate sa New York City ang panibagong kaso ng hate crime sa mga Pinoy.
Ayon kay Consul General Elmer Cato, ito na ang ika-14 na insidente ng hate crime sa mga Pinoy sa Amerika. —sa panulat ni Hyacinth Ludivico
