Walang balak umapela o humirit ng extension si Senate President Koko Pimentel sa kanyang pagiging pinuno ng senado.
Ito ang inihayag ni Pimentel kasabay na rin ng inaasahang pagpapalit na ng liderato ng senado ngayong araw.
Iginiit ni Pimentel na walang isyu sa kanya at masaya rin aniyang basbasan ang pagbabago sa liderato ang senado kung ito na ang kagustuhan ng mayorya.
Bukas din si Pimentel sa ano mang committee chairmanship na ibibigay sa kanya ng mayorya ng mga senador o ng bagong senate president.
Ala una kaninang hapon nang magsagawa ng majority caucus ang mga senador kung saan itinalaga na bilang bagong senate president si Majority Leader Tito Sotto kapalit ni Pimentel.