Ipinagbawal muna ang pagkuha ng litrato sa artificial white sand beach sa Manila Bay.
Kasunod na rin ito nang pagdagsa ng mga tao sa nasabing lugar nitong weekend kayat hindi na naipatupad ang physical distancing.
Nabatid na maraming pulis na ang idineploy sa mga strategic area malapit sa white sand kabilang ang kalapit na footbridge para mapigilan ang pagbisita ng mga tao sa lugar.
Bagamat uubrang gamitin ang footbridge, hindi naman papayagan ang mga taong tumigil dito at kunan ang artificial white sand tulad nang ginawa ng marami nitong weekend, gayundin sa Baywalk area.
Una nang sinibak ang hepe ng Ermita Police Station na si Police Lt. General Ariel Caramoan dahil sa kabiguang ipatupad ang physical distancing sa lugar.
