Nakatakdang magpalabas ang Philippine Postal Corporation ng apat na bagong postal stamps simula bukas, Hunyo a-dose bilang paggunita sa Araw ng Kalayaan.
Tampok sa mga nasabing commemorative postal stamps ang ilang historical landmark sa bansa.
Ito ay ang monumento ni Dr. Jose Rizal sa Luneta park, simbahan ng Barasoain sa Malolos Bulacan, Emilio Aguinaldo shrine sa Kawit, Cavite at monumento ni Gat Andres Bonifacio sa Caloocan City.
Ayon kay postmaster general Joel Otarra, layon nito ang ipakilala sa bagong henerasyon ang kalagahan ng mga nasabing landmarks bilang tanda ng kabayanihan at sakripisyo ng mga nagbuwis ng buhay para sa kalayaan ng bansa.
Aniya, mahigit sa isang daang libong kopya ng mga naturang commemorative stamps ang kanilang inimprinta na idenisenyo ng artist na si Rodine Teodoro at mabibili sa halagang dose pesos.
By Krista De Dios
Phl Postal Corp nakatakdang magpalabas ng 4 na bagong postal stamps simula bukas was last modified: June 11th, 2017 by DWIZ 882