Binalaan ng Philippine Institute of Volcanology and Seismology o PHIVOLCS ang mga residente sa paligid ng bulkang Bulusan sa posibleng pag-agos ng lava o iba pang volcanic materials anumang oras.
Inihayag ito ng PHIVOLCS kasunod ng nangyaring phreatic explosion kahapon sa nag-aalburutong bulkan.
Partikular na pinag-iingat ng PHIVOLCS ang mga residente ng Barangay Puting Sapa na nakapaloob sa 4 kilometer permanent danger zone.
Kasunod nito, tiniyak ni Engr. Ed Laguerta, Resident Volcanolist sa Bicol Region na mahigpit nilang binabantayan ang aktibidad ng bulkan kaya’t ibayong pag-iingat ang kanilang ipinapayo sa lahat ng mga nakapaligid sa bulkang Bulusan.
By Jaymark Dagala
