Nakauwi narin sa Pilipinas ang 29 na Pinoy seafarers mula Bucharest, Romania makaraang lumikas mula sa Ukraine.
Ayon sa Department of Foreign Affairs (DFA), ang 29 na seafarers ay kinabibilangan ng 20 crew members ng MV Global Aglaia; 2 seafarers ng MV Joseph Schulte; at 7 seafarers mula MV Star Helena.
Nabatid na mula sa Ukraine, tumawid sila sa Moldova sa tulong ng Philippine Honorary Consulate sa Chisinau at Philippine Embassy sa Budapest.
Nakauwi narin noong Marso a-7 ang isang Pinay at kanyang anak mula Bucharest, Romania na unang Pilipinong nakatawid sa Ukrainian border patungong Moldova habang 54 na seafarers pa mula Ukraine ang nakauwi na rin nito lamang Marso a-14 dahil sa patuloy na pagsakop ng Russian Military Forces.
Umaasa naman ang DFA na mas marami pang seafarers ang darating sa bansa sa mga susunod pa na araw. —sa panulat ni Angelica Doctolero