Handang harapin ng Philippine Southeast Asian Games Organizing Committee (PHISGOC) ang imbestigasyon sa alegasyong katiwalian at kapabayaan sa hosting ng Southeast Asian (SEA) Games.
Ayon kay PHISGOC chief operating officer (COO) Ramon Suzara, natural lamang na mangamba ang Pangulong Rodrigo Duterte dahil puro negatibo ang naririnig at nababasa nilang mga balita tungkol sa paghahandang ginawa ng PHISGOC sa SEA Games.
Binigyang diin ni Suzara na handang-handa sila sa SEA Games at kung meron mang mga naging aberya ay naayos na nila ang lahat ng ito.
Umapela sa media si Suzara na tutukan naman ang mga positibong nangyayari sa SEA Games at huwag lamang ang mga problema na normal nang kaakibat kapag naghohost ng international event tulad ng SEA Games.
