Humingi na ng tulong ang Philippine Health Insurance Corporation (PhilHealth) sa Philippine National Police Anti-Cybercrime Group (PNP-ACG), para mahanap at maaresto ang nasa likod ng pekeng PhilHealth Identification cards.
Ayon kay Bernadette Lico, Vice President ng PhilHealth regional office NCR, 38 reklamo ang kanilang natanggap simula noong 2020 na karamihan ay dahil sa pekeng IDs.
Ilan sa mga reklamo ay laban sa mga Online fixers na naniningil ng hanggang P400 kada transaksyon.
May ilan ding malalang kaso kung saan kinukuha ang number ng ilang miyembro, para nakawin ang kanilang pagkakakilanlan at benepisyo.
Sa ngayon, bumuo na ng Task Force ang PhilHealth para mahuli ang mga kawatan na maaaring maharap sa pagkakakulong ng anim hanggang labing-dalawang taon, at multang hanggang P100-K.