Target ng Philippine Wushu Teams na makasungkit ng walo (8) hanggang 10 medalya sa Southeast Asian (SEA) Games na magsisimula sa November 30.
Ayon kay Julian Camacho, Secretary General ng Wushu Federation of the Philippines, nasubukan na nila kung hanggang saan ang kakayanan ng kanilang mga atleta sa world championships sa Shanghai noong nakaraang linggo.
Dalawang silver medals at dalawang bronze ang naiuwi ng Philippine team na lumahok sa world competition kung saan nakatunggali nila ang mga magagaling na atleta ng Indonesia, Malaysia at Vietnam.
