Isinusulong ni Senator Bam Aquino ang ‘People’s Fund Bill’ o panukalang batas na magbibigay karapatan sa mga tax payer na mamili kung saang ahensya ng gobyerno mapupunta ang porsyento ng kanilang binabayarang buwis.
Kasunod ito ng pagbibigay ng P1,000 pondo ng Kamara sa CHR o Commission on Human Rights para sa susunod na taon.
Sa ilalim ng Senate Bill No. 699, papayagang mapunta ang five percent nang binabayarang buwis ng publiko sa anumang accredited charity o civil society organization, mga prayoridad na national o local government project at legitimate political party.
Maliban dito, nakapaloob sa panukala na dapat ilagay ng taxpayer sa kanilang annual income tax returns ang kanilang pagbibigyan ng buwis.
—-
