Peace talks sa mga komunista suspendido lang—Bello

Nilinaw ng pamahalaan na tuloy pa rin ang usapang pangkapayapaan sa pagitan nila at ng komunistang grupo.

Ito’y sa kabila ng anunsyo ni Pangulong Rodrigo Duterte na hindi na siya makikipag-usap dito dahil sa usapin ng sinseridad.

Ayon kay Government Peace Panel Chief at Labor Secretary Silvestre Bello III, suspendido at hindi kanselado ang peace talks sa kasalukuyan.

Gayunman, sinabi ni Bello na agad silang tatalima sa kung anuman ang magiging pinal na pasya ni Pangulong Duterte hinggil dito.

Magugunitang naglabas ng sama ng loob si Pangulong Duterte sa harap ng mga militante matapos ang SONA nito noong Lunes dahil sa aniya’y patuloy na pag-atake ng mga rebelde sa kabila ng pag-uusap.

By  Jaymark Dagala

Comments

comments