Nanatiling naka-alerto ang PCG o Philippine Coastguard para sa inaasahang pagdagsa ng mga biyahero sa mga pantalan na pabalik na mula sa kanilang bakasyon.
Ayon kay PCG Spokesman Commander Armand Balilo, batay sa kanilang tala mula sa Oplan Biyaheng Ayos: Semana Santa 2018, pumalo na sa halos 50,000 mga pasahero ang dumagsa sa mga pantalan sa buong bansa mula 6:00 gabi ng black saturday hanggang 12:00 ng hating gabi ng Easter Sunday.
Higit na mas marami ito sa naitalang 17, 300 mga pasahero noong biyernes santo.
Samantala, inaasahan naman ng PCG ang mas lulobong bilang ng mga papauwing pasahero sa mga pantalan ngayong buong araw ng easter sunday hanggang bukas, lunes.
