Nakatakdang magsagawa ng search and rescue operation ang Philippine Coast Guard o PCG sa isang cargo vessel na pinangangambahang tuluyan nang lumubog sa isang isla sa lalawigan ng Samar.
Ayon kay Philippine Coast Guard Spokesman Captain Armand Balilo, huling namataan lulan ng cargo vessel na Jin Ming No. 16 Hao ang pitong (7) Chinese at dalawang (2) Hong Kong national.
Pinapasok na umano ng tubig ang barko kung saan huling namataan sa layong 5.86 nautical miles hilagang silangan ng Marubay Island.
Kaugnay nito, nagpasaklolo na ang PCG sa Philippine Air Force (PAF) sa visayas para makatuwang sa pagsagip sa mga sakay ng cargo vessel.
