Hangad ni Pangulong Ferdinand Marcos Junior ngayong Pasko ang pagkakaroon ng mahusay at maayos na pambansang budget para sa 2026.
Ayon sa Pangulo, nais niyang mabigyan sila ng Kongreso ng “good budget” na aniya’y tiyak na magpapaganda sa buhay ng mga Pilipino.
Inaasahang maisusumite ng Bicameral Conference Committee ang enrolled copy ng 2026 General Appropriations Bill upang kanyang mapag-aralan at mapirmahan, para maging ganap na batas bago sumapit ang araw ng Pasko.
Matatandaang naging kontrobersyal ang 2025 pambansang budget dahil sa mga alegasyon ng matinding korapsyon at insertion na nag-ugnay sa ilang mambabatas sa anomalya sa mga flood control projects.
—sa panulat ni Jordan Gutierrez
