Pinaalalahanan ni Pangulong Ferdinand Marcos Jr. ang mga Pilipino na lubusin ang long weekends ngayong 2024 kasama ang kanilang mga pamilya at mahal sa buhay.
Kasabay ang pahayag na ito sa inilabas na listahan ng long weekends ngayong taon.
Panawagan ng Pangulo, paghandaan nang mabuti ang mga transaksyon at bakasyon upang magkaroon ng produktibo at masaganang taon.
Matatandaang noong October 2023, inilabas ng Malacañang ang listahan ng regular at special non-working holidays para sa taong 2024 sa bisa ng Proclamation No. 368.
Hindi nakasama sa nabanggit na listahan ang anniversary ng EDSA People Power Revolution sa February 25. Paliwanag ng Office of the President, ito ay dahil sa natapat ito sa araw ng Linggo.
