Nangako si Pangulong Ferdinand “Bongbong” Marcos Jr. na paluluwagin nito ang access sa mga tourist spot sa bansa upang palakasin ang industriya ng turismo sa bansa na patuloy na humaharap sa epekto ng COVID-19 pandemic.
Sa kaniyang kauna-unahang State of the Nation Address (SONA), sinabi ni Marcos Jr. na mahalaga ang tourism industry para makalikha ng trabaho at matiyak na mapabuti pa ang ekonomiya.
Para mapalakas pa aniya ang turismo sa bansa, kailangang magkaroon ng developments tulad ng pagpapabuti sa mga kalsada para mapadali ang access sa tourism spots.