Dadalo si Pangulong Ferdinand Marcos Jr. sa closing activities ng Masskara Festival bukas, October 23 sa Bacolod City matapos ang isang buwang selebrasyon.
Ito ang kinumpirma ng Malacañang na makakasama ng Pangulo si first lady Liza Araneta at Vice-President Sara Duterte.
Sinabi ng Office of the Press Secretary na positibo ang Punong Ehekutibo sa pagsisikap ay inisyatibo ng Department of Tourism na maibalik ang sigla o tourism figures sa bansa sa pre-pandemic level para magkaroon ng mas maraming job opportunities at economic progress.
Nabatid na sinabi ng Pangulo na umaasa siyang ang mga aktibidad sa festival ay magpapakita kung paano nalampasan ng mamamayang Pilipino ang mga kinahaharap na problema.
Samantala, ang Masskara ay hango sa salitang “people” at “mask” na taon-taon o tuwing Oktubre ay ipinagdiriwang sa Bacolod City.
previous post