“respetuhin natin ang opinyon ng matatanda.”
Ito ang reaksyon ni Senador Ronald Bato Dela Rosa sa social media post ni Chief Presidential Legal Counsel Juan Ponce Enrile na sinasabing patutsada para sa kampo ni dating Pangulong Rodrigo Duterte.
Ayon kay Senador Dela Rosa, ang bawat isa sa atin ay may karapatang magpahayag ng opinyon.
Dagdag pa ng Senador, igalang na lang ang opinyon ng matanda at beteranong Presidential Legal Counsel Enrile.
Binigyang-diin ng mamababatas na sa sitwasyon nila ngayon ay ayos lang kung ano ang sasabihin ng iba laban sa kanila.
Sa Facebook post ng Chief Presidential Legal Counsel, sinabi nito na kabalintunaan na ang mga sinasabing sangkot sa mga bayolenteng gawain ng kawalang hustisya ay ang nananawagan ngayon para sa hustisya. —sa panulat ni John Riz Calata
