Tiniyak ng National Disaster Risk Reduction and Management Council (NDRRMC) na magpapatuloy ang pagsasagawa nito ng National Simultaneous Earthquake Drill (NSED) para maging handa ang publiko sa mga sakuna gaya ng lindol.
Kasunod ito ng naganap na 4th (NSED) sa Pilot Venue sa Fisherman’s Wharf o Bulungan Market sa Parañaque City.
Ayon kay NDRRMC Executive Director, Undersecretary Raymundo Ferrer, hindi nawawala ang banta ng mga kalamidad kaya’t patuloy ang pagsasagawa ng ahensya ng mga ganitong pagsasanay.
Gayong dapat aniyang alam ng bawat isa ang mga gagawin sa oras ng kalamidad para sa mailigtas ang sarili, pamilya at komunidad.
Samantala, nagpaalala naman si Ferrer sa publiko na patuloy na makiisa sa NSED o sa pagsasagawa ng duck cover and hold. - mula sa ulat nmi Tina Nolasco (Patrol 11)
