Bawal na munang magkomento hinggil sa community pantry ang mga tagapagsalita ng National Task Force to end Local Communist Armed Conflict (NTF-ELCAC) na sina Lt. Gen. Antonio Parlade Jr., at Lorraine Badoy.
Ayon kay National Security Adviser at chair ng task force na si Hermogenes Esperon Jr., ito’y sa bisa ng isang gag order o ang pagbabawal na pagkokomento.
Dagdag pa ni Esperon, ito’y para na rin maalis ang pagkalito ng publiko hinggil sa ginagawang bayanihan ng iba’t-ibang grupo.
Sa kabila nito, ipinagtanggol ni esperon ang dalawa at sinabi na may mga sarili itong mga bayanihan projects sa kani-kanilang mga lugar.
