Blangko ang pamilya Mabasa sa susunod na hakbang matapos mapatay ang umano’y middleman sa pagpaslang kay broadcaster Percy Lapid.
Inamin ito sa DWIZ ni Roy Mabasa, kapatid ni Lapid at nalulungkot sila sa nangyari lalo’t malaki sana aniya ang maitutulong ni Crisanto Villamor sa kaso nang pagpatay sa kanyang kapatid.
Dahil sa nangyari, iginiit ni Mabasa ang pagpapanagot sa NBP kung saan maraming parehong kaso na rin ang naganap ng hindi nareresolba.
