Isinulong ng kilalang architect urban planner Jun Palafox ang pag preserba at gawing memorial ang pinsalang iniwan ng bakbakan sa Marawi City.
Ayon kay Palafox hindi na dapat i rebuild ang lungsod at sa halip ay gawin na lamang itong memorial para mga nasawi sa sagupaan.
Sa halip na itayong muli ang bahagi ng lungsod iminungkahi ni Palafox na gumawa na lamang ng makabagong lungsod sa Marawi City at Lake Lanao na mas mapapangalagaan at environment friendly.
Ibinahagi ni Palafox ang idea niyang sa mga itatayong kalsada kung saan one third nito ay ilalaan sa mga puno at landscaping, one third para sa pedestrian at bisikleta at one third para sa mga sasakyan.
