Nakatakdang humarap sa Senate impeachment court sa susunod na linggo bilang testigo si Zuleika Lopez, chief of staff ni Vice President Sara Duterte.
Kabilang rin sa mga inaasahang tumestigo ang National Bureau of Investigation Senior Agent Jeremy Lotoc at Legislative Security Bureau Executive Director Belinda Bello.
Ayon sa impeachment court, tatalakayin ng mga testigo ang kaugnayan ng kanilang mga testimonya sa alegasyon ng grave threats laban kay Pangulong Ferdinand Marcos Jr.
Samantala, nanawagan si Senator-Judge Bam Aquino sa prosecution at defense panels na maging mas direkta sa kanilang presentasyon upang mapabilis ang pagdinig.
Sa ngayon, inaasahang magpapatuloy sa susunod na linggo ang paglilitis sa pamamagitan ng pagharap ng karagdagang mga testigo at ebidensya habang ipinagpapatuloy ng Senado ang pagdinig sa impeachment case laban sa bise presidente. | Sa panulat ni Reabelle Medina
