Lusot na sa ikalawang pagbasa ng kamara ang House Bill No. 10329 o Public Schools of the Future in Technology (PSOFT) ni Albay 2nd district representative Joey Sarte Salceda.
Layunin ng naturang panukala na masiguro ang sapat na investment para sa digital at technological infrastracture para sa mga pampublikong paaralan.
Kalakip rin ng panukala na mapabuti ang pagbalangkas sa pangunahing edukasyon ng bansa para sa pinalawak na online learning.
Ayon kay Salceda, hindi na mapaghihiwalay ang edukasyon at teknolohiya kaya’t mahalaga na ito para sa edukasyon.
Matatandaang bahagi ang nasabing panukala ng Comprehensive Education Reform Agenda ng naturang mambabatas. —sa ulat ni Tina Nolasco (Patrol 11)
