Umaasa ang Pangulong Rodrigo Duterte na matatapos na sa loob ng isang linggo ang nagaganap na krisis sa Marawi City.
Sinabi ng Pangulo na nalulungkot siya dahil sa malaking pinsalang idinulot ng terorismo sa bansa lalo na ang bakbakan sa pagitan ng mga sundalo at Maute terror group bukod pa sa marami na rin sa puwersa ng gobyerno ang namatay at nasugatan.
Sa kaniyang pagbisita sa pinakamalaking warship ng Royal Australian Navy ikinuwento ng Pangulo dito ang pag iimbak ng armas ng mga terorista kayat inabot na ng tatlong buwan ang bakbakan sa Marawi City.
Dahil dito ipinaalala ng Pangulo sa mga bisitang Australians na maging alerto at hindi aniya masamang maghigpit lalo na sa batas ng immigration para maalagaan ang kaligtasan ng bawat isa.
